Jugendtournee-Theater „Wellenbreker“
Jedet Johr, un in dit Johr toon twindigsten Mol, meld sick Deerns und Jungs in Öller von twölf bit achtein Johr ut de Landkreise Rodenborg, Cuxhoben und Stood, üm an veer Wekenenn een plattdüütsches Theoterstück, dat de jungen Lüüt sülven utsöken künnt, ünner künniger Hölp intoöven.
De Deerns und Jungs brukt keen Vörkenntnisse in de plattdüütsche Sprook, denn öber dat Theoterspeel lehrt se de Sprook recht gau. De Schoolmesterin und Theoterpädagogin Nina K. Englisch-Peterschewski hät dat Vörhobben „Wellenbreker“ von Anfang an mit veel Hardblood vörandreben. Se freut sik öber den groten Insatz, de de Nowußschauspeeler bi de Theoterstück an‘n Dag legen. Ok de Assistentin Catharina Völzmann, de eenige Johr bi den „Wellenbreker“ mitspeelt hät, weet voneehr et biit Theoterspeelen ankumt.
An de veer Wekenenn waard de junge Lüüd theoterpädagogisches Weten verkloort. Dorbi waard grooden Wert ob Rullenfinnung un Inarbeiden in de Rullenbiografie leegt.To wieteren Liehrninhalten höört neben Körperarbeid ok de Atmung, Phonetik und Stimmbildung. De plattdüütsche Sprook waard dör dat Theoterstück bannig festigt und de jungen Lüüd voleert den Bammel, de Sprook ok in Alldaag antowennen.
Dat letzte Weekend waard dan dat Tobehöör vör de Spöldeel besproken und prootstellt und de Kledaasch antroken un dan waard de Generolproov ofhollen. Un in Fröhhaarst waarn dann de Theoeterstücke in de dree Landkreise opföhrt.
Dat Jugendtournee-Theoter „Wellenbreker“ hett sik üm dat Osteland verdeent mokt.
Kategorie Jugend
