Hinrich Jungclaus

Hinrich “Hinni” Jungclaus, Engelschoff-Neuland

In Engelschopp-Neuland un ümtau is he beter bekannt as Hinni von’n Diek. Denn an Diek hett he leevt un dat al öber föfftig Johr. Siet 1968 hett de lehrte Timmermann, de an de Oost groot worden is, as Schöppwarkswohrer för den Uennerholungsverband Uennere Oost dorför sorgt, dat de Pumpen vont Schöppwark an Oostediek jümmer ohn Stören lopen. Dat Intogsgebeet rekt von Engelschopp öber Groot Steernbarg bit no Hommoh.

Hinni mit sein achtig Johr kennt de grooden gauen Pumpen wi sien Westentasch un is bannig stolt, dat de Pumpen noch so good in Schööt sünd. Jed een Handgreep sitt un op Knoppdruck sett sik de Snekenpumpen in Gang un sukt dat Woter ut den Burgbeckskonol an un drückt et ünnern Diek dör in de Oost. Fievunhalv Kubikmeter pro Sekunn mokt de groode Pump. Bloots kott, dann knipst se automootsch af.

Un nu waart blangan een nee Schöppwark för etwa fiev Millionen baut. Uk de Diek schall nee baut waarn. Toeerst hett Hinni an Diek in ehn Deenstwohnhus leevt, dat he loter koepen kunn. He hett sik dat Hus dann ümbaut, dormit he för sien Familie beten mehr Platz harr. Opn Diek steiht een Bank, he hett een lütt Boot an de Oost un uk een poor Schoop opn Diek. So hett Hinni von’n Diek jümmer wat to muddeln.

Ober nu wo dat nee Schöppwark und de nee Diek baut ward, hebbt se von Diekverband för een Johr to em segg he müss dor uttrecken. Un so wohnt he nu mit sien Fru Elke in’n Doerp Neuland. Ober he ist jümmer noch för dat ole Schöppwark tostännig un wen’n Glück hett, denn kannst Hinni dohr androopen.

Hinni von’n Diek hett sik mit sien „Hinni-von-Diek-Schöppwark“ üm dat Oostland verdeent mokt.

Kategorie Wassertechnik

Der Goldene Hecht, Design: Mike Behrens

Fenster schließen

Oste-Pütte