Landfrauen Großenwörden

Landfrauen Großenwörden und Umgebung

Vör öber söesstig Johr heppt sik achteihn Froonslüüd in Grootwöörn bi Stechmann dropen und de Landfroons Grootwöörn un Ümtau int Leven ropen. Hüüt tellt de Vereen üm de twee Vörsitters Christa Schliecker un Petra König, al tweehunnertfofftig Froons de in de Gemeenden Hüll bit Himmelpoorten levt.
Wokeen nu dinkt dat Landfroons bloots häkelt, Eten kokt un Kauken backt, de is opn Holtweg. De Vereen hett för all Froons de opn Lannen levt, nich afhängig von Beroop und Oeller, een afwesslnd un grotes Angebott an Vördregen un Arbeetsgemeeschapen. Uk dat Dropen mit anner Froons, dat gemeensame kreative Utsehn von de dörpsche Ümgegend un dat kultuurele Wiederbilden dör Turen, Utfohrten un Theoterbesöken lig de Froons an Harten. Sport ward uk mookt. Mol ward an de Oost opn Diek wannert ober dat giv ok neemodsche Sportorden wi Yoga un Bubble-Soccer.
Besoenners andoon het de Landfroons dat wat för de Ümwelt en lange Tiet anhöllt. So ward toosomen mit Kinner utn Kinnergoorn Insektenhotels tosomenbaut, Immenstruken plant or Goorns ökologisch anleggt. Un de Landfroons heppt opn Diek een poor Bänk stift, dormit sik Lüüd, de opn Diek ruemlopen doot, ok mol beten verpuusten könt.
Un af un to dropt se sik to een komodigen Stammdisch bi Magda Bartels opn Hüll un dor heet dat „Wi snackt platt“. Dor koomt Plattsnacker un al de Lüüt de anner Tied keen Platt snackt tosomen üm plattdütsche Doentjes or Geschichten to heurn. Un dorto ward, un dat freid mi besoenners, von de Froonslüüd denn ok mol Mannslüüd inlod.
Sponsor des Preisgeldes ist Fleischerei Guthahn Inh. Detlef Brandt, Osten.

Fenster schließen


Backfest auf dem Heimathof Hüll